| PROXECTOS ANOS ANTERIORES (ANO 2023) | |||
|---|---|---|---|
PROXECTO ECO | É un proxecto que pretende mellorar a incorporación social e a formación e empregabilidade das persoas con trastorno mental severo e/ou discapacidade. Con este fin, o programa pon o foco en tres ámbitos concretos: Formación: A través de actividades que buscan mellorar e adquirir coñecementos dunha forma participativa e adaptada Cultura: Empregándoa como medio para mellorar a participación social e fomentando o pensamento crítico Empregabilidade: Mellorar neste ámbito a través da formación continua e de actividades específicas | FINANCIAMENTO Fundación José Otero-Carmela Martínez a través das Axudas a grupos ou asociacións na súa convocatoria para o ano 2023 Ao abeiro da convocatoria de Programas de Cooperación coas entidades sen ánimo de lucro 2022 (TR352A) Ao abeiro das Subvencións destinadas á realización de programas de interese xeral para fins de carácter sociosanitario no ámbito dos trastornos mentais (SA500A) na súa convocatoria para o ano 2023. Convenio de colaboración en materia de Servizos Sociais co Concello de Santiago para o ano 2023, para o Programa Ágora que forma parte do Proxecto Eco. |     |
PROXECTO HERACLES | É un proxecto de formación e capacitación do voluntariado da Asociación. O seu obxectivo principal é dar visibilidade ao labor das persoas voluntarias a través da difusión das actividades e o traballo que realizan, facendo especial fincapé na mellora da capacitación do voluntariado a través de diversas formacións no eido da saúde mental. En Heracles recóllense ademais accións destinadas á captación de voluntariado e difusión de actividades e recursos. | FINANCIAMENTO Ao abeiro das BS508B – Subvencións para entidades de acción voluntaria de carácter privado para o fomento e a realización de actividades de voluntariado na súa convocatoria para o ano 2023 |  |
| PROXECTO JANO | É un proxecto de carácter integral e holístico destinado a mellorar a autonomía, autoestima a autodeterminación das persoas con tms e/ou discapacidade a través de diferentes actividades relacionadas coa promoción da vida independente, fomento de autoestima e aprender a realizar trámites. As metodoloxías que se empregan nas actividades teñen un carácter eminentemente práctico, utilizando metodoloxías como o roleplaying ou dinámicas. | FINANCIAMENTO Fundación La Caixa, ao abeiro da Convocatoria de Proyectos Sociales Galicia 2022 |  |
| PROXECTO IBIS | É un proxecto de voluntariado social sénior orientado a que persoas de 55 anos en diante poidan empregar a súa experiencia e coñecementos a través da súa participación como persoal de apoio en varias actividades, promovendo o establecemento dun diálogo interxeracional. As persoas voluntarias participan en actividades de diferentes ámbitos que abarcan dende a formación, actividades comunitarias ate actividades relacionadas coas TIC. | FINANCIAMENTO Ao abeiro da Convocatoria de Subvencións para entidades de acción voluntaria e entidades locais enmarcadas no programa voluntariado sénior 2023 | |
| PROXECTO IRIS | Trátase dun proxecto de dinamización e fomento do voluntariado social en saúde mental dirixido a mozos e mozas de entre 18 e 30 anos de idade, consta dunha serie de actividades que teñen por obxectivo poñer en contacto ás persoas mozas con persoas en risco de exclusión social e persoas con Trastorno Mental Severo e/ou discapacidade a través de actividades nas que as persoas mozas desempeñan un rol de persoa voluntaria que ofrece apoio e dinamización. As actividades abarcan diferentes eidos como o lecer, a educación medioambiental ou o deporte. | FINANCIAMENTO Ao abeiro do Programa Servizo de voluntariado xuvenil para 2023. | |
